<<Քնի պարալիզ>>, Չափս-200x150, Նյութ-կտավ, յուղաներկ, 2022
<<Քնի պարալիզ>>, Չափս-200x150, Նյութ-կտավ, յուղաներկ, 2022
SKU:
Չհաջողվեց բեռնել ստեղնաշարի հասանելիությունը
Նկարի կոմպոզիցիան բաղկացած է հինգ ֆիգուրից. Կենտրոնից աջ ու ձախ ֆիգուրները խաղաղ քնի մեջ են, դա երևում է նրանց դիմանկարներից և մարմնի դիրքերից։ Հանգստության մեջ դինամիկա է ստեղծվում ֆիգուրների շարժումներով՝ ուղղված դեպի կենտրոնական ֆիգուր։ Կենտրոնական կերպարն առանձնանում է իր անշարժությամբ, կարծես սառած լինի։
Դիմանկարը մշուշոտ է՝ բաց աչքերով: Նկարիչը փորձել է տպավորություն ստեղծել, որ արթնացել է, բայց ոչ ամբողջությամբ։ Լարվածություն կա հայացքի և կեցվածքի մեջ, վախ և անհանգստություն՝ առաջացած շարժվելու անկարողությունից։
Նկարիչը կերպարները ձուլել է միջավայրին, դրանք ավելի թափանցիկ դարձրել և դրա շնորհիվ ստացել երազային, եթերային էֆեկտ։
Նկարում պատկերված սպիտակի և վարդագույնի շնորհիվ անհանգստության զգացումը մեղմանում է։
Կատուն ու գուլպաները ծանոթ միջավայր են ստեղծել՝ մարդն իր անկողնում է։
Կտորը միացնում է ֆիգուրները և հավքում կոմպոզիցիան, ստացվում է
տպավորություն, ասես կերպարները լողում են.
Չնայած ֆիգուրների քանակին, մարդը միայնակ իր սենյակում փորձում է դեմ առ դեմ պայքարել իր խնդրի դեմ: Անկախ նկարում պատկերված վախից ու անհանգստությունից՝ մարդն իր հարազատ միջավայրում է։
Արվեստաբան։ Մարթա Մկրտչյան
