<<Ուտոպիա>>, Չափս-90x75, Նյութ- յուղաներկ, կտավ, 2021
<<Ուտոպիա>>, Չափս-90x75, Նյութ- յուղաներկ, կտավ, 2021
SKU:
Չհաջողվեց բեռնել ստեղնաշարի հասանելիությունը
Ուտոպիան (լավ տեղ) կերպարվեստի և գեղարվեստական գրականության ժանր է, որը միանշանակ մոտ է գիտաֆանտաստիկային: Այդ ժանրի աշխատանքները ցույց են տալիս իդեալական հասարակության մոդել։ Նման գրական ու վիզուալ ստեղծագործությունների հեղինակները հաստատապես հավատում են իրենց ստեղծած աշխարհի անբասիրությանը։
Հիմնականում հեղինակներն առաջարկում են տեխնոլոգիական ուտոպիաներ, որտեղ բոլոր սոցիալական խնդիրները լուծվում են գիտատեխնիկական առաջընթացով կամ սոցիալական ուտոպիաներով, ինչը նշանակում է, որ մարդկությունը փոխում է գոյություն ունեցող հասարակությունը։ Կտավը 2021 թվականին է կատարված, պատերազմական սարսափից մեկ տարի անց: Չնայած կտավի անվանվանը՝ այն ուտոպիստական ժանրում չի կատարված: Առաջին պլանում տեսնում ենք սև ագռավներին, որոնք նստած են ճյուղերի վրա: Թռչուններից մեկը պատրաստվում է թռիչքի, իսկ երկուսը նայում են վերջինիս՝ չհասկանալով թռիչքի իմաստը: Տեսնում ենք նաև քաղաքի երկնաքերեր, որոնք ծորում են օդում՝ թողնելով անշոշափելիության զգացում: Զգացվում է հեռանկարը, հեռվում նշմարվում է մի այլ քաղաք վարդագույն երագների մեջ, որը կարծես արևածագի մեջ ցանկանում է վերածնվել, որտեղ նկարիչն անավարտ է թողել այդ քաղաքը:
Ինչպես արդեն նշել եմ, կոմպոզիցիան կատարված է պատերազմից մեկ տարի անց, որում զգացվում է լողացող այն քաղաքը, որտեղ բնակվել է նկարիչն անցյալում՝ թողնելով անավարտ ապագայի զգացումը: Վրձնահարվածները կատարված են կտրուկ, թողնելով սև գծեր, որոնք կարծես ջնջում են գլխավոր սյուժեն: Գեղանկարիչն ուտոպիայի տեսիլքը թողնում է դիտորդին հեռվում:
Արվեստաբան։ Մարթա Մկրտչյան
